I dag vart BRA NOK-månaden på 1.-4. trinn avslutta
med ein fantastisk konsert av sjølvaste Frida Adele.
Stemninga var heilt elektrisk når "Gi meg litt fred"
runga ut over kulturstova, og allsongfaktoren var høg!
Frida heldt
også eit inspirerande føredrag om det å ha tru på seg sjølv og sine draumar.
Bodskapen hennar var : "Du er bra nok akkurat slik du er!".
Konserten var i
kulturstova, der det også heng ei fantastisk kunstutstilling av elevane på 1.-4.
trinn. Elevane har tatt utgangspunkt i ulike undertema til "Bra
nok".
Etter denne
inspirerande månaden, og ikkje minst den flotte konserten, er me fulle i entusiasme og energi til å jobbe vidare med
psykisk helse i skulen.
Og hugs: "Du er bra nok!"