Torsdag hadde heile skulen ein flott hausttur til Talgje.
I strålande sol og vindstille gjekk omlag 370 elevar og vaksne ein fin tur på nordsida av Talgje.
For elevane var det ei fin geografi- og naturfagsøkt å gå og sjå over på andre øyer i kommunen, samt småsnakke om sopp og andre vekstar i naturen.
Men det aller viktigaste på denne dagen, var trivsel og relasjonsbygging. To og to trinn hadde bål saman, og det var så kjekt å sjå korleis det blei fin leik og fellesskap på tvers av trinna.
Undervegs på turen måtte elevane finne hjarte i naturen, og vel framme ved bålplassen var det spidding av pølser, drikking av kakao og elles masse kjekk leik.
Takk for turen!