Måndag hadde 2. trinn ei nydeleg adventsamling for oss. Dei dramatiserte "Julekveldsvisa" og spela så fint til songen. Me tende tre lys, og så las rektor Bente siste del av historia om Tomas og treskjæraren Jonathan.

Tysdag hadde me "God morgon, Finnøy" med fokus på samarbeid. 6A hadde laga ein super dans til "Hausten" av Vivaldi, me hadde Finnøynytt og sjølvsagt utdeling av gullkosten. Denne gongen gjekk kostane til 8B, 7B og heile første trinn. Som vanleg avslutta me med "Anti-jantelov"-songen.

Elles har nokon laga nissegleder oppe i administrasjonen - det er koseleg!