Haust på sentralskulen
Det har vore ein annleis haust på sentralskulen dette året. Det har handla mykje om smittevern, handhygiene, separate uteområde, kohortar osb. Men innimellom alt dette, er det svært mykje kjekt som skjer på skulen vår.
Publisert: 29.10.2020 11:33 Sist endra: 02.11.2020 14:05 Forfattar: Anja Helen Steinsland
Me har hatt litteraturveke, klassar har vore på ulike ekskursjonar, me fekk
endeleg gjennomført KOM-prosjektet, me har hatt dyktige deltakarar i
Ryfylkequizen, me har hatt temadag om sjøvett, me har jobba med tv-aksjonen og lært om plast i havet, me har hatt forteljarprosjekt, me har markert FN-dagen, me har
gjennomført og pynta med mykje kreativt elevarbeid, me har hatt digital God
morgon, Finnøy med utdeling av gullkostar til dei tre klassane som har det
ryddigast i klasserom og garderobe og mykje, mykje anna! Her får de nokre glimt
frå hausten på sentralskulen!