FORUT 2020
Sprang for born i Sierre Leone!
Publisert: 02.11.2020 09:11 Sist endra: aldri Forfattar: Karin Søndenaa Nessa
Oppvekstsenteret på Jelsa samla i veke 43 inn pengar til den årlege barneaksjonen til FORUT. Dette året gjekk pengane til born i Sierra Leone, og pengane vil gjera det mogleg for fleire born der å gå på skule og i barnehage.Små og store ved oppvekstsenteret sprang inn meir enn ti tusen kroner. Dei vart sponsa av Norsk Stein, foreldre og andre, som betalte for kvar runde dei klarte å springa rundt byggjefeltet i Svehaugane. Engasjementet var kjempestort, og det blei mange rundar.I tillegg var det lagt ut naturløype med spørsmål, fritt for alle å delta, og det var høve til å kjøpa varer frå FORUT-aksjonen.Takk til alle som sponsa oss med gevinstar og pengar!