For tida jobbar elevar og lærarar med
eit tverrfagleg tema om Rasmus Løland. Rasmus Løland representerer fleire
spennande undertema som me drar med oss inn i undervisninga desse vekene, blant
anna lokal historie, fantasi og historieforteljing, "gamle dagar" og
refleksjonar rundt "då og no", og rosemåling. Skulen samarbeider med
Ryfylkemuseet om temaet, og har blant anna fått låne ei svær rosemåla kiste frå
museet. Kvar måndag ligg det ein ny ting i kista, som elevane brukar og undrar
seg over i undervisninga i veka som kjem. 5.-7. trinn har også hatt ei
innføring i rosemåling og lokale teknikkar i samarbeid med museet.
I samband med dette spennande temaet
skal skulen på skuletur til Vanvik for å blant anna besøka Rosebua og Løland
gard. Meir
informasjon om det her.
Torsdag 19. mai reiser heile skulen til Vanvik. Der skal me
først besøka Vanvik oppvekstsenter og treffa elevane som går der. Etter det skal me få ein guida tur i Rosebua, og høyra historien om
Løland gard.
Me reiser kl. 08.30 frå Marvik skule, og
er tilbake litt før kl. 14.00.
Elevane kler seg etter været denne
dagen, og pakker med ein lett sekk med:
-
Vassflaske
-
Niste (det er lov å ha noko bittelitt ekstra godt i matpakken denne dagen)
Minner om at elevane ikkje får ha mobilar på turen.
Me
gledar oss til å reisa på tur i lag!!