God sommar frå rektor.
Rektor
ønskjer alle elevar, føresette og tilsette ein god sommar. Les heile brevet
her.
På skulen
ryddar me for tida skuleåret ut av klasserom, spesialrom og gongar. Skulebygget
blir tommare og tommare, like tomt som det var då eg starta som rektor 1.
august i fjord. Dei første dagane som rektor var stusselege, eg var heilt åleine
på skulen og lurte meg til å gløtta inn i rom og krokar for å gjera meg litt
kjent. Det var stille før stormen, den 16. august braka det laust. Bygget vart
fylt av elevar og tilsette, og med det kom eit skuleår som eg vil oppsummera slik:
Skuleåret
21/22 har vært eit kreativt og utfaldande år. Det har vært mykje energi, kvar
dag! Lærarane har på ein god pedagogisk måte lagt til rette for at elevane har
fått utfalda seg, vore kreative og kome med idear som har blitt lytta til. Elevane
sine innspel har fått rom og plass, noko som har resultert i elevprosjekt, forsking
og utprøving.
Elevane
har vist ein enorm omsorg for kvarandre på tvers av interesser, alder og
grupper. Eg er sikker på at våre elevar får med seg ein unik sosial kompetanse vidare
i livet. Det har også vært fint å sjå at elevane tør å ta sin plass og å stå
for sine eigne behov. Det er viktig! Hald fram med det.
Fleire av
elevane har i løpet av skuleåret tatt ansvar og initiativ til ulike rollar og
verv som elevråd, TL og liknande. Desse har blitt utruleg godt utført, og eg
som rektor ønskjer å takka alle som har tatt eit ekstra ansvar i år. De har
vært viktige for heile skulen.
Lærarane
har vist ein sensitivitet for elevane sine behov, og dei har gjort ein utruleg
jobb både for elevane sitt faglege og sosiale liv på skulen. Marvik skule husar
lærarar som utan tvil har hjarta med seg i arbeidet sitt, dei er modige og tør
å sleppa litt kontroll i skulekvardagen, noko eg på mange måtar meiner er ein
superkraft som lærar.
Den
faglege kvaliteten på Marvik skule er høg. Me er heldige og har godt
kvalifiserte lærarar. I løpet av året har me også hatt faglærar i musikk som
har vidareutdanna seg vidare. Lærarane har også vist god deltaking i faglege
nettverk med resten av Suldalskulen. Takk for at de brukar den kunnskapen og
kompetansen de har, og for at de søker ny kunnskap i arbeidet dykkar.
Det har vært
eit spennande FAU å samarbeida med i år. I dag sluttar me av med ein
sommaravslutning etter initiativ frå FAU, som tykkjer det viktig å få ta
skikkeleg farvel med både elevar og evt. skulepersonell som sluttar. Skulen er
heldige som har eit FAU som set slike inkluderingstiltak på agendaen. Takk for
eit godt samarbeid, de har vært gode på alle måtar!
Neste år:
Som de
veit søkjer Marvik skule for tida etter ny rektor. Det er med blanda kjensler
at eg har vald å skifta stilling. Eg skal vidare jobba som rådgjevar i Suldal kommune
sin administrasjonen, i avdeling Organisasjon og innbyggarkontakt.
Stillinga
som einingsleiar er no utlyst for 3. gong, søknadsfristen går ut 22. juni. Det
er per i dag ingen søkarar til stillinga. Stab oppvekst jobbar med ulike
alternativ, og det pågår om dagane samtalar i samband med leiarrolla. Dersom
det ikkje kjem på plass ein leiar i løpet av sommaren kjem eg til å starta opp
neste skuleår, og jobba ut den første veka. De vil få informasjon så snart noko
er avgjort.
Personalkabalen
elles er klar for neste år.
- Heidi, Gunn Bjørg og Anette K held fram som no i undervisningsstilling. Heidi kjem til å ha fri fredagar.
- Annette G skal undervisa fredagar.
- Me har tilsett Ida Linne Hebnes som fagarbeidar (hurra, velkommen), og ho kjem til å dela denne stillinga med Anne Margrethe i skule og SFO. Anne Margrethe skal jobba måndag, tysdag og onsdag. Ida skal jobba torsdag og fredag.
Då står
det att å takka for eit godt samarbeid dette skuleåret. Det har på mange måtar
vært ein fornøyelse å vera rektor ved Marvik skule. Eg kjem til å ta med meg mykje
og alle i hjarta mitt vidare.
Me sjåast
på sommarfest i kveld.
Forsidebilde: www.unsplash.com