I dag har 5. - 7. trinn hatt si tredje økt med mat & helse, og på menyen stod det laks med kokte poteter og agurksalat. I dette faget er det viktig at ein vert kjend med sunn kvardagsmat, og at ein lærer korleis maten fungerer som byggjesteinar i kroppen vår.  Me har snakka om at laks inneheld omega 3, som er ei sunn feittkjelde, og att poteter inneheld mykje C-vitamin - og då spesielt i skalet. Agurk innheld mykje fiber,men den er dessutan rik på både kalium og jarn og magnesium. Men mest av alt består den av vatn - heile 97%.

Smak er viktig, men også estetikken på tallerken hjelper på matlysta :-)

Måndag 28.januar er det planleggingsdag for barnehage og skule. Psykologspesialist, Solfrid Raknes, kjem til Suldal for å halde kurs i psykologisk fyrstehjelp for alle tilsette i oppvekst i Suldal. Andre som jobbar med barn og unge er og invitert til denne planleggingsdagen. I tillegg til kurs for dei tilsette vert det to temakveldar, ein på Suldalsosen 28.januar klokka 19.00 og ein i Erfjord 29.januar kl.19.00.

Me oppmodar alle føresette og andre i møte med barn og unge til å prioritera ein av desse kveldane til dette arrangementet. Arrangementet er ope og gratis for alle.  Vel møtt!