Hakkebakkeskogen-sommarfest for heile barnehagen
I dag har liten og stor avdeling feira årets sommarfest.
Publisert: 13.06.2018 15:29 Sist endra: aldri Forfattar: Renate Hetlelid Gjerde
Før festen kunne alle barna kle seg ut om dei ville, få ansiktsmåling og øyrer. Alle fekk også pynte si eiga muffin som dei fekk namn på, og sidan "kjøpe" i Barkermester Harepus sitt bakeri. Borna var svært spende, og kl.9.30 gjekk me ut for å byrja leikane. Klatremus (Marianne) hadde laga 8 ulike postar/aktivitetar som me gjekk rundt på, og desse postane var heimen til nokon frå Hakkebakkeskogen.
Den siste posten var felles, då gjekk alle til bakeriet og fekk kjøpe si eiga muffin, med "ekte" pengar som borna hadde tjent på ein av postane. Bakermester Harepus (Renate) og Bakergutten (Anita) måtte sjå at alle betalte for muffinsen sin, ellers ville dei ha smakt surt. For kaker som er kjøpt, smakar søtt, mens kaker som er stolne smakar surt! Heldigvis hadde alle hugsa pengar og alle kakene smaka søtt.
Til lunsj feira me Bamsefar sin fødselsdag, ja for han blir 50 år omtrent på denne tida, så me hadde pølser i brød og sjokoladekake.
Ein vellukka fest for store og små!