Innan teknologien går tida og utviklinga fort. Etter god og jamn bruk såg me i vinter at der var behov for å skaffe litt nytt utstyr til teknolaben vår. Spesielt såg me at robotane våre var gamle og litt avleggs og at det kosta ein del å fiksa på desse. Delar vart det heller ikkje plent enkelt å få tak i. Lokale bedrifter vart igjen kontakta og fire av desse hjalp oss med midlar til å kjøpe klassesett av to typar nye robotar.

Me vil retta ein stor takk til Sørskår Mek, Fiskå Mølle, FA bygg og Westcontrol som har gjort det nye innkjøpet mogleg. Utstyret kom rett før ferien. Dei eldste elevane fekk vera med å pakka opp, sortera og merka alt det nye og dei måtte jo sjølvsagt også få testa ut og programmera litt! Me gler oss over at me kan ta dette i bruk no i starten av dette skuleåret og er heilt sikre på at me får mykje glede og læring ut av denne oppgraderinga!