Då eventyret starta
For fem år sidan på denne tida arbeidde Ølve Montessoriskule sine styremedlemmer hardt for å sikra at skulen, som skulle stengjast til sommaren, framleis skulle vera i drift same haust. Dette vart starten på eit eventyr med lukkeleg slutt.
Publisert: 13.03.2018 10:42 Sist endra: 18.10.2022 09:06 Forfattar: Hildegunn Håbrekke
Hausten 2013 kunne elevane som same vår hadde gått ut frå Ølve skule, gå inn att dei same dørene på Ølve Montessoriskule. Skulebygget hadde gått gjennom store forandringar, og klasseromma var blitt redusert frå 3 mellomstore til 2 store rom. Heile personalet var nytt, og rektoren på denne tida, Hein Bondevik, hadde jobba gjennom heile sommaren for å få eit godt undervisningstilbod på plass. Det same hadde styret og bygdefolket, som slo ring om skulen, og letta kunne konstatera at borna i Ølve framleis kunne få gå på bygdeskulen. På høgre side kan klikka på vedlegget og lesa Kvinnheringen sin reportasje frå den fyrste tida.