Klasseleiing i utvikling
På skulen vår arbeider me i personalet med eit utviklingsarbeid innan klasseleiing. Klasseleiing betyr mykje for elevane si utvikling både fagleg og sosialt samt elevane sin trivsel på skulen.
Visjonen
vår for dette utviklingsarbeidet er:
Me vil skapa
ein stad for læring med tydelege vaksne, god struktur, gode relasjonar og
trygge elevar som blir rusta for livet.
På
foreldremøta i haust gav alle foreldra oss ei tilbakemelding på kva dei meiner
er viktig for borna deira i møte med oss vaksne på skulen. Ordskya over syner
resultatet av dei tilbakemeldingane. Det som står skrive med størst bokstavar
er det som har blitt skrive flest gonger av foreldra.
Dette har me teke med oss vidare i arbeidet og jobbar denne
hausten med relasjonar.
Både forsking, teori og erfaringar viser oss at gode
positive relasjonar til elevane må liggja i botn for læring og utvikling fagleg
og sosialt.
No skal elevane på skulen vår bli møtt med ein vaksen som
står i døra til klasserommet og helsar når dei kjem om morgonen. Dei vaksne startar
kvar dag med ein «navnerunde» og plan for timen/dagen.