Sommarles 2018 var svært populært på skulane i Suldal, og me er med i Bokåret 2019 også. Sommarles er for barn frå 1. til 7. klasse og varer
heile sommaren. Det er hovudbiblioteket på kulturhuset som administrerer
Sommarles i Suldal. Lurer du på noko, kan du få opplysningar der, hos bibliotekaren på Sand skule, hos læraren din eller gå
direkte til https://sommerles.no/.
Sommarles er ein lesekampanje for barn i 1. - 7. klasse.
Målet er å lesa så mykje som mogleg i løpet av kampanjeperioden som er frå 1. juni - 31.
august og å samla XP (poeng). Annakvar veke kjem også eit nytt kapittel i ei spennande fantasyforteljing, skriven av Mari Moen Holsve, på Sommarles si heimeside.
Deltakarane i Sommarles kan vinna både digitale trofé og små
premiar som kan hentast i biblioteket på kulturhuset. Alle barn i 1. - 7. klasse på ein av skulane i Suldal kommune er velkomne til å vera med. Elevar som begynner i 1. klasse til hausten eller nettopp er ferdig i 7. klasse, kan også delta.
Registrering: Gå inn på NY BRUKAR på https://sommerles.no/,
les brukaravtalen og trykk «Eg godtar brukaravtalen» for å halda fram. Ein må
oppgi ei e-postadresse til ein forelder/føresett og lånenummeret frå biblioteket for å delta. Når ein har registrert seg, vil ein få ei stadfesting på at ein er med.