Trivselsprogrammet på Sand skule
Me har i år
starta opp trivselsleiarprogrammet på Sand skule. Det er 18 trivselsleiarar
frå 4.-7. klasse som arrangerar
aktivitetar for medelevane i løpet av veka.
Dette har vore stor suksess, og
mange elevar har delteke aktivt!
Trivselsleiarane
har sjølve valt aktivitetar og det har vore stor variasjon. Dei har vore innom alt
frå dans og “balansebølle”, til “erobraren” og ulike balleikar. Dette gjer at
det er nokon aktivitetar for alle, og ein kan velje det ein sjølv har mest lyst
til.
Annankvar veke kjem det ut ny periodeplan som viser aktivitetane for dei
neste to vekene. Her kan elevane sjå kva dag dei ulike aktivitetane skal vera,
og kvar dei skal møte opp dersom dei vil vera med.
Trivselsleiarane
er kjempeflinke til å få elevane med, forklare leikane og informere om reglar.
Mange elevar er med på dei ulike aktivitetane, og dette har skapt stor aktivitet
i friminuttet og læring av mange spennande leikar!