Då 1a og 1b hadde uteskule tirsdag og onsdag, hadde me på førehand fått løyve frå den alltids positive Inge Halstensen til å rydde litt i skogen ved grillhytta til skulen. Borna har nytta sag og saks for å rydde greiner og gjere området endå meir tilrettelagt for leik. Borna har vore veldig positive desse dagane, og me er veldig nøgd med korleis dei tek vare på kvarandre.

Me har også sett på haustteikn, i samband med arbeidet med årstidene.

Den umiddelbare konklusjonen frå desse dagane, er at Selbjørn skule er særs heldig med tanke på alt arealet som ligg rundt skulen, og som elevane får nytte seg av. Selbjørn skule ligg i eit fantastisk flott område!