Fredag før vinterferien blei prosjekt "Lykkehjul" avslutta og markert.
Meisterklassen denne perioden bestod av engasjerte og arbeidsame elevar frå 6.trinn. Saman har dei fem elevane jobba med prosjektet sidan januar. Heile prosessen frå teikning av skisser og lage plan, til det ferdige produktet har dei vore positive og jobba godt. Elevane sjølve synest at målinga i sluttprosessen var den kjekkaste delen, då byrja verkeleg produktet å likne på noko. I tillegg har me hatt litt god hjelp av vaktmeister, Øystein, i dei meir utfordrande periodane. Lykkehjulet var ynskja laga til bruk på 17.mai, og elevane ser fram til å kunne sjå den i bruk.
På avsluttingsdagen tok me bilete med det ferdige Lykkehjulet, og elevane fekk diplom for innsatsen. Deretter vart litt speling med noko godt attåt. Ein flott avslutting av prosjektet og veka før ferie. Diverre var ikkje alle tilstades på dagen.