Det er ikkje kvar dag ein får vera med på slakting av villsau i skuletida. 10 stk spente 7.klassingar møtte opp klar for action tysdag 17.10.17. Me var med på å hente dyra me skulle slakte. Deretter køyrde me til Rolf Rusten og dei flotte slaktefasilitetane i garasjen hans. Der fekk elevane oppleve "naturfag på høgt plan" direkte sitat ein elev. Det var intens konsentrasjon under instruksjonen før dei fekk lov til å prøve sjølve. Til slutt måtte arbeidsområdet vaskast og ryddast - det vart gjort med eit smil og mykje latter!