Opplæring i brannførebygging med Austevoll brannvesen,
Onsdag 11.april kom brannsjefen og mannskap i Austevoll brannvesen på besøk i 6.klasse og fortalte kva vi skal gjera for å unngå brann.
Etterpå var det trening i å sløkkje ein brann nede på grusbanen. Brannbilen sto like ved, men vi øvde med brannsløkkingsapparat fylt med skum. Dei fleste nøyde seg med å gå rett bort til brannen og kvela flammene, men eit par blei sendt på løpetur med brannsløkkingsapparatet før dei fekk sløkkje.
Det gjekk bra! Etterpå blei det tid til å prøvesitje brannbilen og sjå på røykdykkarutstyret. Sirenen fekk vi óg lov til å prøve... men berre ein gong.