Gradvis gjenopning av skulane.
Måndag 27. april opner Storebø skule kl 09.55 for elevar fra 1-4 trinn.
Mandag 27. april ønskjer vi elevane velkommen tilbake til skulen etter ein periode med heimeskule.
Det skal bli kjekt å møta elevane igjen og få starta opp med læringsaktivitetar i kjente omgivnader.
Noko blir nytt i denne opningsfasen, skriva nedunder skal førebu elevane og føresette på
kva rutinar som blir innført.
Oppstart er mandag 27. april kl 9.55. Skuleveka har same start- og slutt-tidspunkt som før stenging, bortsett frå for 4. trinn som sluttar kl 11.35 og torsdagar.
Skulebussen går som vanleg, men skulen forstår at fleire føresette vil kjøra eleven sin sjølv. For å ikkje skapa farlege trafikksituasjoner bør dei som gjer det bruka parkeringsplassen nede ved kyrkja for avstiging. Dei som vil parkera og følge eleven til skulen kan bruka parkeringsplassen oppå Austevoll badet. Føresette bør ikkje bli med
inn i skulen/garderoben om ikkje det er heilt nødvendig.
For å sikra ein god start, har skulen tatt utgangspunkt i smittevernrettleiar frå Udir.
Info om skulestart fra Udir.
Informasjon til føresette
Slik sørgjer vi for trygge skuler
I tillegg til skulen sine interne tiltak, styrkar Austevoll kommune reinhaldet. Areal ved skulen som
dagleg er i bruk, skal overflatevaskast fleire gonger om dagen. Reinhaldspersonell utfører dette.
Skuleskyss kjem til å gå som vanleg, og det er innført tiltak både når det gjeld avstand mellom
elevane og reinhald på bussen. Det same gjeld for drosjekjøring.
Kontaktlærar kjem til å senda ut informasjon/melding i Visma flyt skole om samansetjing av grupper
på trinnet og organisering av skuledagen.
Har de spørsmål til gjenopninga, tek de kontakt med rektor.