Me møtte opp på Samnøy, der har arkeologar nemleg funne restar etter ei gammal busetjing frå bronsealderen. Historikarar frå Hordamuseet i Bergen viste oss spor av gamle gravar, helleristningar og fortalte om livet i denne perioden. Landskapet er dessverre blitt ganske tilgrodd, så det er ikkje lengre så lett å sjå desse spora. Nokre elevar vart kledd opp i klede dei gjekk med i bronsealderen, og me fekk veta at menneska som levde for ca. 3000 år sidan ikkje brukte verken bukser eller undertøy. Til slutt fekk me opplæring i pil og boge-skyting, noko som var skikkeleg gøy. Jammen vart det nokre gode treff på blinken óg.