Vi i MOT Noreg har ei tydeleg visjon: Å bidra til eit varmare og tryggare samfunn. I ei verd
prega av uro, raske endringar og aukande avstand mellom menneske, blir dette meir
aktuelt enn nokon gong. Mange elevar opplever press, einsamheit og uvisse i kvardagen.
Samstundes ser vi at det blir mindre rom for openheit og nære relasjonar, både blant
ungdom og vaksne.

Årets foredrag handlar om å sjå heile mennesket. Når vi tek oss tid til å forstå kva som
ligg bak ein elev sin reaksjon eller åtferd, skaper vi tryggare relasjonar og eit betre
læringsmiljø. Personalgruppa ved Austevoll ungdomsskule vil få eit eige foredrag
tidlegare på dagen, med fokus på samarbeid, støtte, tryggleik og fellesskap.
Kveldsforedrag for foreldre og føresette: «MOT til å vere ein tydeleg
vaksen» Onsdag 28.januar kl.1800-1915

Foredraget «MOT til å vere ein tydeleg vaksen» handlar om korleis vi som vaksne kan vere
trygge, tydelege og varme rollemodellar for barn og ungdom i ei krevjande tid.
Vi håpar at så mange som mogleg tek seg tid til å høyre på Bjørg-Elin Moen frå MOT. Det
blir ingen påmelding til foredraget, vi har sitjeplass til om lag 170–180 personar i
Kulturbadet på ungdomsskulen.