Meny
Velg seksjon Forside
Fogn 4164 Fogn
Telefon: 51 71 46 80 Send oss e-post
Redaktør: Håvard Østhus
Oversett siden til et annet språk
Translate page to another language
Traducir la página a otro idioma

På fredag klokka 12.00 dansa både barnehagebarn, elevar og tilsette NRK-Super sin Blime-dans, saman med hundretusenvis av andre i Noregs land! Innsatsen var stor, og borna gjorde så godt dei kunne, sjølv om ikkje alle følte dei hadde fått øvd nok på dansen i forkant...

Vi har sendt inn eit videoklipp av dansen til Blime-dansen sine nettsider, og det klippet vert etterkvart tilgjengeleg på sida som de kjem til ved å klikka HER.


Aud Marie Bøe, som jobba som reinhaldar på Fogn oppvekstsenter fram til våren i år, fekk tidlegare denne veka ei avskjedsgåve frå dei føresette på oppvekstsenteret. Gåva låg i postkassen, og Aud Marie kontakta rektor med spørsmål om han kunne videreformidle ei varm takk til foreldra for gåva, for ho ville gjerne takke, men det var litt vanskeleg å gå rundt og takke den enkelte. No er takken videreformidla, og rektor vil nytte høvet til enno ein gong å takke Aud Marie for den flotte jobben ho har gjort her gjennom mange år, og ynskje det beste for framtida!

Fredag 15. september er det kommunal planleggingsdag, både i skulen og barnehagen. Det vil seie at oppvekstsenteret er stengt, og elevane i skulen og barna i barnehagen har fri denne dagen.

Det har etterkvart blitt ein tradisjon at elevane får kome inn i stemmelokalet på Fogn og avgi sine stemmer i skulevalet, før vallokalet opnar "på skikkeleg". Slik var det også under dagens stortingsval, og 36 elevar fekk gå ein og ein inn i stemmeavlukket, velge ei liste, og så kome ut for å få denne stempla, før dei høgtideleg la denne oppi stemmeurna som vert nytta til val på Fogn. Valresultatet er no klart, og ser slik ut:

SP: 38,9%
Høyre: 22,2%
KrF: 22,2%
AP: 8,3%
Rødt: 5,6%
Kystpartiet: 2,8%

Klikk "les mer" for å kunne sjå valresultatet som diagram, og for å sjå fleire bilete.


I dag, fredag 8. september, var 1.-7. klasse på hausttur til Bandåsen på Ombo. Alle elevane imponerte både på vegen opp og ned til den høgaste toppen i kommunen, som ruvar 513 meter over havet! Helge hadde med seg både marshmallows, seigmenn og mini-gulerøtter i sekken sin, noko som heilt klart hjalp på motivasjonen til dei unge turgåarane! Når i tillegg dei store var knallflinke til å hjelpe dei små, så vart dette heilt topp!

Vi brukte i overkant av 1 time på vegen opp, og omlag 40 minutter på vegen ned, noko som gjorde at vi hadde nok tid til å køyre og sjå på "Ombogubben" på vegen tilbake til ferja.

Klikk "les mer" for å sjå fleire bilete frå turen!