Meny
Velg seksjon Forside
Fogn 4164 Fogn
Telefon: 51 71 46 80 Send oss e-post
Redaktør: Håvard Østhus
Oversett siden til et annet språk
Translate page to another language
Traducir la página a otro idioma

Fogn oppvekstsenter ynskjer i år velkommen til felles sommaravslutning for både barnehage og skule på onsdag 20. juni klokka 17.00! Vi kjem til å starta med diverse program i gymsalen, mellom anna:

- Bilete frå året som ligg bak

- Dei som går ut av barnehagen skal få sine permar

- 7. klassingane vert takka av

- Diverse innslag frå elevar

- Føresette får ein eigen "bolk"

- Kunstutstilling ved barnehagen

- Og mykje meir!

Vanlegvis har det vore grilling etter programmet i gymsalen, men her prøver vi oss på ein vri i år. Barnehagen og skulen stiller nemleg med kaker, saft og kaffi til alle, så føresette treng ikkje å ha med seg noko. Etter serveringa vert det rigga til putekrig (anten inne eller ute, alt etter vèret), og det vert også høve til å ha andre leiker, før vi etterkvart går kvar til vårt!

Vi ynskjer alle, både born, føresette, besteforeldre, tantar, onklar, søskenbarn osv velkommen til sommaravslutning på Fogn oppvekstsenter!

NB! Elevane sin siste skuledag vert torsdag 21. juni, då dei skal ha idrettsdag. Barnehagen er open til og med fredag 28. juni.


Det er snart sommerferie, og tid for å levere frå seg PC, ladar og veske, i tillegg til bøker ein har lånt frå skulen i år. Elevane kjem til å få den same PC-en neste år, men vi vil lagra den på skulen gjennom sommaren.

Vi kjem til å starte innsamling av dette frå og med måndag 18. juni, slik at vi har nokre dagar på oss dersom nokon gløymer noko ved første høve.


1.-4.klasse koste seg på Fiolen!

Sommerles er noregs største og kulaste lesekampanje, og også i år er biblioteket på Finnøy med! Det betyr at alle elevane i 1.-7. klasse i Finnøy kommune kan få delta i kampanjen, som handlar om å lese bøker, registrere desse på nett, og på den måten kome opp i level og samle seg digitale trofèer. Når borna kjem til level 10, 20 og 30 kan dei få gå på biblioteket og hente ein premie! I tillegg kan dei få lesa den eigne sommerlesforteljinga, der nye kapitler kjem omlag kvar veke, dei kan svare på spørsmål om forteljinga, og sjå kva andre born i Noreg les denne sommaren! 

For å bli med må borna ha ein brukar. For å registrere brukaren treng dei føresette sin e-post. Difor ynskjer vi at dei borna som vil vere med, får hjelp til å opprette brukar heime. Dersom nokon var med i fjor, kan dei nytte den brukaren dei hadde då. Registrering skjer på sommerles.no (klikk på adressa)


I dag, torsdag 31. mai, vart det så varmt inne i skulen, at vi berre måtte ta turen ned til Holmastø i dei to siste timane. Når det er 30 grader ute, vert det fort like varmt inne, og då fungerer vi menneske dårleg i lengden, difor måtte vi ta ein tur ned og avkjøle oss! Sjølv om det var eindel brennmaneter der nede, fekk dei som ynskje det høve til å bade heile seg, medan andre nøya seg med å vasse litt, eller sitje med beina nede i vatnet, som strengt tatt ikkje var glovarmt...