Meny
Velg trinn/seksjon 8. trinn
Oversett siden til et annet språk
Translate page to another language
Traducir la página a otro idioma

Her finn du lenker til vekeoversikten, vekeplanen og årshjul.

Vekeoversikt v. 25

Vekeplan v. 24-25

Årshjul 8. trinn

God sommar!

Vi vil takke elevar og føresette for eit godt samarbeid gjennom skuleåret. No ønskjer vi alle ein velfortent sommarferie med tid til kvile, glede og gode opplevingar.
Me ønsker 2009-kullet lukke til på vidaregåande skule!

Første skuledag etter sommarferien er torsdag 14. august kl. 08.00.
Vi gler oss til å sjå dykk igjen då, og me gler oss spesielt til å ta i mot dei nye 8.klassingane!

Riktig god sommar frå alle oss ved Bryne ungdomsskule

Kontaktlærarar skuleåret 25/26

8A: Karen Hognestad Liland og Anna Magnussen Vik
8B: Egil Pollestad og Borghild Hognestad
8C: Charlotte Tjelta Hansen og Elise Engelsvold
8D: Tale Tryggeseid Meling og Grethe Høyekvam Grude
Avdelingsleiar 8.trinn: Jon Asgeir Lystvet

9A: Norunn Tveit og Sondre Maudal
9B: Andreas Kvitvær og Kristin Hovin Thorsen
9C: Miriam Vølstad Vigre og Stine Vigrestad Austad
9D: Anne Marie Jåtten og Kristian Mora
9E: Jonas Aarrestad Trodahl og Elina Reime
Avdelingsleiar 9.trinn: Monica Penne Norheim

10A: Jørn Gabrielsen og Christine Espeland
10B: Olav Skurve og Hege Oseland
10C: Mirijam Ueland og Helen Hetland Mori
10D: Pål Oftedal og Hilde-Kristin Engelsgjerd
Avdelingsleiar 10.trinn: Morten Erga Finsberg

Sommartilbod for barn og unge i Time kommune
I sommar vil det igjen vera ei rekke tilbod til barn og unge i Time.
Informasjon v. 24-25
Då er det klart for årets siste vekeplan. Det blir ikkje mykje lekser, men ein må førebu seg til
dei siste vurderingane. I tillegg må ein halda seg oppdatert og passa på å ha med seg alt ein
treng til dei ulike skuledagane.

Fridag
Måndag 9. juni er 2. pinsedag, så då har alle fri! Nyt siste fridag før sommarferien!

Utdanningsval (UTV)
Me er i full gang med utdanningsval, der elevane lærer mykje om vidare utdanning og om yrker
og bedrifter. I sist veke hadde me besøk av mange bedrifter som informerte elevane om ulike
yrker og kva bedriftene held på med. I dei siste 2 vekene skal me og jobba med prosjektet
“Økonomi og karriereval”, der me skal ha 4 økter før me får besøk av ein representant frå
SpareBanken Sør-Norge som skal læra oss meir om temaet. I tillegg skal elevane ha
jobbskugging på torsdag, der dei blir kjent med eit yrke.

Avspasering
Elevane har fri fredag 13. juni i 1.-3. time, då dei skal avspasera for timane dei gjekk ekstra på
Hei verden-kvelden. Skulen startar etter lunsj, klokka 11.25.

Tinghaugløpet
Kvart år arrangerer me Tinghaugløpet for heile skulen. I år blir dette på fredag i 5.-6. time.
Elevane kan springa i full fart eller jogga i roleg tempo. Dette er ein del av gymfaget, og ein blir
vurdert i forhold til innsats.

Siste veka
I den siste veka blir det innlevering av bøker og ipad. I tillegg blir det ein del aktivitetar og truleg
sykkeltur om veret blir ok. Onsdag skal me og på bowling. Siste skuledag sluttar me av kl 11.00.
Elevane vil denne dagen få tilgang på karakterane som ligg i Visma. Minner om at elevane har
rett på å klaga på karakterane i avgangsfaga. For 8. trinn gjeld dette kun i valfag. Informasjon om
dette finn ein på heimesida.
Natteravn på Bryne - Hausten 2025
Sjå vedlagt liste over datoer for når dei ulike klassane er sett opp til å gå natteravn til hausten. Nye 8. trinn vil få meir informasjon frå Blå Kors på første foreldremøte etter sommaren. 
Informasjon v. 22-23
17. mai 
Tusen takk til alle elevane som kom og deltok i barnetoget på 17. mai. Me er stolte av den flotte ungdommen som gjekk så fint i toget. 
 
Utdanningsval (UTV) 
Me er nå i full gang med faget utdanningsval. I sist veke starta innovasjonscampen, der me fekk ei oppgåve som elevane i grupper skal prøva å løysa. Ein fengeselsbetjent fortalte om korleis mange i fengsel føler seg utanfor og aleine, og dermed kjem i feil miljø for å finna seg vennar. Ungt entreprenørskap ga elevane følgjande oppgåve:: “Kan dokker i saman koma fram til ein knallgod ide som kan skapa godt felleskap blant ungdom, slik at færre ungdommar føler seg einsame eller utanfor”. På måndag skal elevane presentera løysinga si for ein deljury, og så blir det ein superfinale i aulaen med premier for beste forslag. 
 
I veke 23 skal me ha bedriftsbesøk, der kvar klasse får besøk av 4 ulike bedriftar. Dei vil snakka om bedrifta si, men og om kva type type yrker dei treng i bedrifta si og kva utdanning ein treng for å få seg jobb. 
 
Garborgtur 
I veke 23 skal me på busstur til Time bygdemuseum og Knudaheio. Time bygdemuseum inneheld meir enn to tusen innsamla gjenstandar frå Time, med hovudvekt på bondesamfunnet på 1800- og 1900-talet. 
Knudaheio er eit jærhus forfattaren Arne Garborg brukte som diktarstove dei siste 25 åra av livet sitt, frå 1899 til 1924. Både Arne og ektefellen Hulda Garborg er hauglagde her. 
Saman med formidlarar frå Time historielag og Garborgsenteret vil elevane få høyra om korleis det var å bu i Time i gamle dagar, og dei vil få sjå diktarstova og høyra forteljingar om Arne Garborg. 
 
Elevane kan ta med seg grillmat på denne turen 
 
Fridagar 
Elevane har fri 29.-30. mai, då det er Kristihimmelfart på torsdagen. 
 
Jobbskugging (UTV) 
Torsdag 12. juni skal elevane ut i jobbskugging. Elevane skal då vera med ein vaksen dei kjenner ein heil arbeidsdag. Elevane vil i neste veke få utdelt ein lapp med informasjon og der ein fyller ut kor ein skal arbeida.
17. mai på Bryne

Bryne ungdomsskule oppmodar alle elevar til å stille i barnetoget på 17. mai for å feire saman med resten av skulen og Bryne.
Det er oppmøte på Bryne stadion kl. 0900. Toget går kl. 0930. Meir informasjon finn de her. 17. mai 2025

Ta med deg flagget og møt opp i finstasen!

Informasjon v. 20-21
Tur til Sandnes 
På torsdag 15. mai reiser heile trinnet med tog til Sandnes, der me skal besøka Vitenfabrikken og me skal ha rebus i Sandnes sentrum. Me gler oss til å koma oss ut på tur og få nye opplevingar! Hugs å ta med matpakke. Elevane møter på skulen til vanleg tid, og har 1. time som vanleg. 
 
17. mai 
På Bryne ungdomsskule har ein sterk tradisjon for å visa igjen i barnetoget på 17.mai, og me oppfordrar sterkt alle elevane på 8.trinn om å stilla opp og feira saman med resten av skulen. Fleire tilsette er også med og går i toget. Toget går frå Bryne stadion kl 09.30. Oppmøte kl 09.15. Ta med flagg! 
 
Utdanningsval – UTV 
I veke 21 startar me opp med utdanningsval, og me skal først i gang med innovasjonscamp. Me får besøk av Åna kretsfengsel som  skal ha kick off med heile trinnet i aulaen. Elevane får ei utfordring dei skal løysa i grupper, skal jobba med utfordringa  fram til måndag 26. mai. Då blir det jury og superfinale og ein vinnar blir kåra i slutten av dagen! Me gler oss til kreative dagar! 
Informasjon v. 18-19
Fridagar 
I veke 18 er det fri torsdag og fredag i samband med 1 mai. Nyt dagane! 
 
Tinestafetten 
Onsdag 7. mai skal me delta på Tinestafetten. Dei som ynskjer det skal vera med på stafetten på Lye stadion, der me spring mot andre skular i Jærskulen. Elevane syklar opp til Lye. Dei som ikkje skal vera med på stafetten, skal vera med på “Tinestafett-løpet”. Me arrangerer eit løp i nærområdet, der elevane kan jogga eller springa fort. Alle elevane får t-skjorte! 
 
Jobbskugging 
Torsdag 12. juni skal elevane få erfaring frå arbeidslivet. Dei skal då jobba ein dag med føresette, ein slektning eller ein dei kjenner. Dette er ein del av utdanningsval som me startar med i veke 21. Det er mykje spennande me skal gjera i utdanningsval, og ein kan gå inn og sjå på årshjulet for meir informasjon. Det er viktig at dokker heime snakkar om kor ein kan tenkja seg å jobba, slik at ein får ordna seg ein arbeidsplass i god tid! 
Informasjon v. 15-17
Litt gøy før påskeferien 
I dei siste vekene før påske jobbar lærarane litt ekstra med sosial kompetanse og skapa endå betre klassemiljø. Klassane skal få vera med på påskebingo, ha felles lunsj i kantina og gå kort tur i nærområdet, I tillegg skal me på kulturskulen sin ungdomsmusikal i Storstova neste fredag. 
 
Fri frå skulen 
I veke 16 har me påskeferie, og me håper alle koser seg med litt fri frå skulen. Tysdag 22. april er planleggingsdag for lærarane. Første skuledag etter påskeferien er onsdag 23. april. 
 
Årshjulet 
Det er mykje kjekt som skjer framover, så følg med på årshjulet som er oppdatert. Merk dokker at i utdanningsval, så skal elevane ha jobbskugging torsdag 12. juni. Dette betyr at elevane skal jobba ein heil dag i ein bedrift. Det kan vera lurt å snakka litt om kor ein kan jobba og kva ein har lyst til å prøva ut. 
 
Valfag neste år 
Dei aller fleste får førstevalet sitt i valfag neste år. Nokre fag klarer me ikkje å tilby, då det var få som ønskja seg faget. Desse valfaga tilbyr me neste år: fysisk, kantine, design, friluftsliv og innsats for andre.
Informasjon v. 13-14
Takk for godt frammøte på foreldremøtet. Presentasjonen frå fellesdelen ligg under “Brev og beskjedar”. 

Ung data-undersøkinga 
I 2025 blir Ungdata-undersøkinga gjennomført i Time kommune blant elevar i 8.- 10. klasse. Undersøkinga går føre seg på skulen i løpet av veke 13. Målet er å få ei oversikt over korleis ungdom har det og kva dei driv med i fritida.  Meir informasjon finn ein på heimesida. 

Utviklingssamtalar 
Lærarane held på med å avslutta elevsamtalane, og dei startar nå opp med utviklingssamtalane. Kontaktlærar sender ut innkalling til samtalen 

DKS-besøk 
31. Mars får med besøk av DKS. Her kan du lesa om framsyninga: 
“The Games We Play” er en danse- og parkourforestilling som handler om viktigheten av lek i livet. Parkour er en unik, urban og akrobatisk måte å bevege seg på. I denne forestillingen settes parkour og dans sammen og blir til en hyllest til den risikofylte leken og er en forestillingsopplevelse full av energi. Ved hjelp av et metallstativ, et bord, tre stoler og en liten ball fortelles historier om vennskap, frykt, lekeplassen, skolegården, den første forelskelsen, men først og fremst leken. Utøverne framstilles likestilte uavhengig av kjønn; like sterke og deltakende der ingen fanges av klassiske kjønnsrollemønstre. Forbered dere på en fartsfylt og gøy opplevelse! 
Foreldremøte
Innkalling er nå lagt inn under brev og beskjedar.

Velkommen til foreldremøte på 8. trinn onsdag 19. mars kl 17.30-18.30 (merk tidspunktet) i aulaen!
Informasjon v. 11-12
Foreldremøte 
Det blir foreldremøte onsdag 19. mars kl 17.30-18.30. Innkalling kjem i neste veke 
 
Elev- og utviklingssamtalar 
Kontaktlærarane er i gang med elevsamtalane. I veke 13-15 vil me gjennomføra utviklingssamtalane. 
 
Ungdata 
I 2025 blir Ungdata-undersøkinga gjennomført i Time kommune blant elevar i 8.-10. klasse. Målet med undersøkinga er å få ei oversikt over korleis ungdom har det, og kva dei driv med på fritida. Dette er ein moglegheit for ungdom til å fortelja lokalpolitikarar og myndigheita korleis det er å veksa opp i dag. 8. trinnet vil gjennomføra undersøkinga i veke 13.
Ungdata-undersøkinga i Time 2025
I 2025 blir Ungdata-undersøkinga gjennomført i Time kommune blant elevar i 8.- 10. klasse. Undersøkinga går føre seg på skulen i løpet av veke 13. Målet er å få ei oversikt over korleis ungdom har det og kva dei driv med i fritida. 
Vekeinformasjon v. 8-10
Valfag 9. trinn 
Elevane kan velja nytt valfag kvart år. På måndag skal elevane få informasjon om kva valfag dei kan velja i mellom. Innan fredag må ei gjera valet for kva valfag dei skal ha på 9. trinnet. Elevane har nå meir kjennskap til ungdomsskulen og valfag, så det vil ikkje vera mogleg å byta valfag på same måte som det har vore på 8. trinnet. Det er viktig at elevane vel valfag etter interesse, og at ein ikkje vel det som vennane vel. Ta ein prat om dette heime. Lenke til søknadskjema finn ein på heimesida. 
 
Olweusundersøkinga 
Etter vinterferien skal me gjennomføra Olweusundersøkelsen her på skulen. Her får elevane spørsmål om korleis dei har det på skulen. Me bruker resultata som ein del av anti-mobbearbeidet vårt. Meir informasjon om undersøkinga finn ein på heimesida. 

Elev- og utviklingssamtalar 
I veke 10-12 vil kontaktlærarane gjennomføra elevsamtalar. I veke 13-15 blir føresette inviterte til utviklingssamtalar. 

God vinterferie 
Veke 9 er det vinterferie. Me håpar alle bruker tida godt for å lada batteria. God ferie!  
Vinterferie på Møllekjellaren 2025
Det blir ulike aktivitetar på Møllekjellaren i vinterferien. Sjå vedlagt info. 
Olweus undersøkinga

Bryne ungdomsskule er ein Olweusskule, det vil seia at me arbeidar jamnt og trutt med antimobbearbeid etter Olweusprogrammet. 

I veke 10 og 11 vil me gjennomføra ein ny Olweusundersøking på alle trinn.

Resultat Hei verden-aksjonen
Årets resultat er klart! Me klarte å samla inn heile 79.045 kr til Hei verden!

Hilsen fra Hei verden:
Tusen takk for flott solidaritetsinnsats for Hei verden. Deres innsats er utrolig viktig for oss, og vil være med på å sikre retten til utdanning for barn som lever i fattigdom i Zambia, Peru og Bangladesh.

Utdanning er nøkkelen til en bedre framtid, og med deres hjelpskal vi bidra til å :
-sikre jenter rett på utdanning
-se til at urfolksbarn får gå på skole og at de får undervisning på sitt eget morsmål
-jobbe for at barn med funksjonsnedsettelse skal få tilrettelagt skolehverdagen slik at di også får en utdanning
-gi lærerne riktig kompetanse og gode arbeidsforhold
-styrke sivilsamfunnet

Vennlig hilsen Hei verden
Informasjon v. 6-7
Foreldremøte
I sist veke hadde me foreldremøte nr 2 i opplegget frå «Sterk&Klar». Det var igjen eit veldig bra
møte, der føresette fekk veldig god informasjon og var med i samtalegrupper. Det var kun 25 av
125 føresette som kom, og me og føresette hadde håpa på at fleire kom på møtet. Det kjem fram
i møtet kor viktig det er at alle føresette snakkar i saman og drøftar reglar og koss me skal
handtera ulike utfordringar i ungdomstida.
For at me skal få til endringar i samfunnet må alle vera med. Dei færraste får alvorlege
utfordringar med eigne barn, men med god kunnskap kan du vera ein viktig person for til dømes
ditt barn sine venner, slektningar, eller naboar. “It takes a village to raise a child.”

Vinterball
Me hadde eit flott vinterball med kjekke og greie elevar. Me ynskjer å takka alle føresette som
var med som vakter, slik at det blei trygt og godt for alle elevane.

DKS- SAU
På måndag skal alle elevane på 8. trinn få gå på kino og sjå filmen "SAU". Det er Den kulturelle
skulesekken som inviterer oss på kino. Filmen «SAU» handlar om nokon som driv eit sauebruk i
Nordland på ein gamaldags måte, om det tradisjonelle jordbruket i møte med ny tid og nye krav,
om korleis våre krav til produksjon går ut over dyrevelferd og balansen i naturen me er ein del
av.
Informasjon v. 4-5
Foreldremøte 22. januar 
På onsdag er det eit nytt foreldremøte ved “Sterk&Klar” kl 18.00 i kantina. Sjå tidlegare sendt informasjon på Visma. Hugs å melda deg på til møtet. 
 
Vinterball 
Elevrådet vil ønska alle velkommen til vinterballet torsdag 23.01.25. Det vil vera kafé i kantina etter at alle trinna har fått pizza og brus. I mingleområdet i 3 etasje blir det sett ut spel og me vil også ha oppe bordtennisbord. I gymsalen er det laga til diskotek. 
 
8.trinnet skal koma kl 18.50. Då skal dei først kryssa seg av på ei liste, før dei kan gå inn i kantina og få brus og pizza. Deretter går dei opp i klasserom merka med 8.trinn, for å leggja frå seg jakke og sko. 
 
Det er mogleg å bruka DiggiPay dersom de vil kjøpa noko i kantina etter at maten er ferdig. 

Terminkarakterar 
På måndag 20.01 blir terminkarakterane publiserte for hausten 2024. Dei vil vera tilgjengelege i Visma frå kl 14:15. Det er viktig at elevane les dei skriftlege tilbakemeldingane frå faglærarane. Her får eleven vita korleis dei skal vidareutvikle seg i faga. 
Vinterball 2025

Elevrådet vil ønska alle velkommen til vinterballet 2025!

Under finn du ei oversikt over kva som skjer. Det vil vera kafé i kantina etter at alle trinna har fått pizza og brus. I mingleområdet i 3. etasje blir det sett ut spel og me vil også ha oppe bordtennisbord. I Gymsalen er det laga til diskotek.

Me har eige fotorom fordi me ikkje ønsker at det blir filma og tatt bilder andre stader under ballet.
Vinterballet er alkoholfritt og det vil bli tatt vilkårlege testar med alkometer.
Til slutt vil me minna om at alle har ansvar for at alle skal ha det kjekt på ballet!

Oppmøte for dei ulike trinna ved hovudinngangen: 
18.50 8. trinn 
19.10 9. trinn
19.30 10. trinn

20.00 Velkommen og opning av ballet i gymsalen.
20.30 Kiosk i kantina er open. Fotoshoot i stort møterom i 2. etasje.
21.30 Kåringar i gymsalen
22.30 Takk for i kveld.

Det er mogleg å bruka diggipay dersom de vil kjøpa noko i kantina etter at maten er ferdig.

Vipps 150 kr til 546674

- Merk betaling med vinterball, navn og klasse
- Frist for betaling er 17. januar

Informasjon v. 2-3
Godt nytt år! 
Me håper alle har hatt ein fin juleferie, og me ynskjer alle eit godt nytt år! Me håper elevane er klare for å læra mykje og at me får eit kjekt år i saman.  
 
Terminslutt 
Me er nå inne i siste vekene før terminslutt. Alle karakterane blir sette etter veke 3, og elevane vil sjå karakterane i Visma måndag 20. januar kl 14.10 
 
Påmelding til foreldremøtet 
Det blir eit nytt foreldremøte med “Sterk & Klar” onsdag 22. januar kl 18.00-19.30. Det er påmelding til dette møtet digitalt. Informasjon om møtet er sendt digitalt på Visma før jul. Meld deg på: www.sterkogklar.no 
 
Vinterball 
Torsdag 23. januar skal det vera vinterball for heile skulen. Det vil bli pizza og brus, dans i gymsalen, kåringar, bordtennis, gamingrom og brettspel. Meir info og påmelding kjem snart. 
God jul!

Me ynskjer elevar og føresette ei god jul og eit godt nyttår!
Takk for godt samarbeid i året som har gått.

Første skuledag etter nyttår er fredag 3.januar.


Informasjon v. 51-1
Temaveke 
Elevrådet arrangerer temaveke i veke 51, der elevar og vaksne skal kle seg ut etter ulike tema kvar dag. Det er frivillig og delta, men me oppfordrer til å vera med. Det blir premie til beste klasse, der premien å spela paddletennis. 
 
Temadagane er slik: 
Måndag: fotballdrakt 
Tysdag: rosa 
Onsdag: galla (fine klede) 
Torsdag: gender switch 
Fredag: pysj 

Adventssamling og julegudsteneste 
På onsdag 18. desember skal me ha ei adventsamling i aulaen, og samtidig skal det vera julegudsteneste i kyrkja. 10. trinnet har ansvaret for begge samlingane, og elevane skal delta i gjennomføringa. Føresette har samtykka i Visma om ein vil gå i kyrkja. Har ein svart “Nei” i Visma, vil elevane gå på adventsamlinga i aulaen. 

Siste skuledag 
Fredag 20. desember vil ha ein litt alternativ dag. Det blir aktivitetar klassevis i 1. time og litt i 3. time. I 2. time skal me ha julekos i aulaen for heile trinnet med finale i bordtennisturneringa me har hatt nå i desember. I 3. time skal me gå rundt juletreet. Etter lunsj skal me ha volleybalturnering i Timehallen, der alle elevane er med og er delte inn i jamne lag. 
 
Juleferie 
Siste skuledag før jul er fredag 20. desember, og første skuledag etter juleferien er fredag 3. januar. 
 
Kantina delvis stengt 
I veke 51 og i veke 1 vil det ikkje vera sal av mat. Ein kan kun kjøpa meieriprodukt så lenge det er varer igjen. Hugs å ta med matpakke og drikke desse dagane. 
 
Me ynskjer alle ei fin jule- og nyttårsfeiring, og me  ynskjer alle eit godt nytt skuleår på BUS! 
Informasjon v. 49-50
Hei verden
På onsdag hadde me ein flott Hei verden-kveld med både aktivitetar, førestilling med song og
dans, kafe og loddsal. Tusen takk for bidrag med både pengar og mat/drikke til kafeen. I
skrivande stund har det kome inn over 52.000 kr. 10. trinnet har “jobb ein dag” i dag, så me er
spente på kor mykje sluttsummen blir!

Besøk av Politiet
På torsdag får me besøk av Politiet som skal ha eit undervisningsopplegg om nettvett. Politiet
presenterer undervisningsopplegget «Delbart? og/ eller Dele=å delta ( deling av
voldsvideoer)», der elevane vil sjå eksempel på delingar som kan vera straffbare og kva ein
har lov til å gjera på nettet.

Desember på BUS
I neste veke startar me opp med juleførebuingar. Me pyntar litt i klasseromma og lærarane er i
gang med å planleggja ein aktivitetskalendar for elevane. Det vil vera ein liten aktivietet kvar dag,
men me kjem til å ha masse undervisning heilt fram til jul. I siste veke før jul er det adventsamling
eller julegudsteneste. Det er valfritt kva ein vil gå på. I tillegg held elevrådet på med å førebu
temadagar for heile skulen. Siste skuledag blir det juleturnering i Timehallen og kanskje kjem
lusia med lussekattar! Me gler oss til ei kjekk førjulstid!