Fredag 4. desember gjennomførte skulen Kolibrijogg, som avslutning på aksjonsveka vår. Selbjørn skule er Kolibri-skule, og vi støttar Kolibri Carf sitt hjelpearbeid i favelaen i São Paulo. Denne aksjonen er særleg retta mot å skaffa mat til fattige familiar i favelaen, og Kolibri Carf deler ut matkasser så langt dei kan for midlane dei samlar inn. Ei matkasse kostar kr. 300,-, og gir mat til ein famile på fem i 3-4 veker. Korona har ramma Brasil hardt, og det er ekstremt vanskelege tilhøve for dei som bur i favelaen og har mista arbeid og inntekt. Elevane har jobba godt med aksjonen gjennom heile veka, og innsatsen var stor under gjennomføringa av Kolibrijoggen. 

Vi vil retta ein stor takk til alle som har vore med og sponsa elevane. Det er i alt komme inn kr. 40.305,- til Kolibri Carf. Det utgjer 134 matkasser. Fantastisk!

Ein stor takk òg til Spar Bekkjarvik, som sponsa skulen med frukt og pepperkaker til elevane. Det gjorde godt etter 40 minutt med Kolibrijogg!