Fredagens skitur gjekk via Klampen, over Nesetfossen, forbi Karteklatten og til næraste flate parti på Nesetsida med sola på plass.
Med oss på turen i dag hadde me ei overrasking i sekken. Tursnacks frå Skeie var midt i blinken i dag! Etterpå hadde me skileik kombinert med litt alfabetøving, før me delte oss opp i to lag, og hadde motbakkeløp i stafettform. Her var det eit skikkeleg Ådneramsdrama på slutten, noko som kunne endt opp i skuldingar om ureint trav, men heldigvis smilte elevane om kapp med sola i dag, og alle vart vinnarar.
Ein strålande turdag på ski, der me òg møtte unormalt mange i sporet. Det kan teikna til å verta ei folksam helg...