Opplæringslova § 2-11 seier følgande om permisjon frå den pliktige opplæringa:
Når
det er forsvarleg, kan kommunen etter søknad gje den enkelte elev permisjon i
inntil to veker.
Elevar
som høyrer til eit trussamfunn utanfor Den norske kyrkja, har etter søknad rett
til å vere vekke frå skolen dei dagane trussamfunnet deira har heilagdag. Det
er eit vilkår for retten at foreldra sørgjer for nødvendig undervisning i permisjonstida,
slik at eleven kan følgje med i den allmenne undervisninga etter at
permisjonstida er ute.
Å
få permisjon frå undervisninga er ikkje ein rett etter opplæringslova § 2-11,
men etter søknad kan kommunen altså innvilge inntil to veker når kommunen finn
det forsvarleg. I Austevoll kommune er dette spørsmålet delegert til rektor ved
den einskilde skule. Kontaktlærar kan innvilge fri inntil 1 dagar. Permisjon
utover 1 dag skal søkast om på eige skjema og blir handsama av rektor.
Når
søknader om permisjon skal vurderast, må ein ta omsyn til den einskilde elev og
vurdere om eleven med dette får ei forsvarleg grunnskuleopplæring. Permisjon
kan ikkje gjevast utover to veker Dersom dei føresette ønskjer å ta eleven ut
for ein lengre, samanhengande periode utover to veker, må dette sjåast på som
privat undervisning, jfr § 2-13. Eleven blir difor formelt skriven ut frå
skulen som elev, og foreldra/føresette har det fulle ansvaret. Dersom ein elev
er vekke frå opplæringa utan innvilga permisjon eller utover den permisjonen
som er gitt, blir dette rekna som udokumentert fråvær
Opplæringa
som eleven mistar ved permisjon, har eleven ikkje rett til å få erstatta
seinare
Rutinar for når skulen kan/kan ikkje innvilge permisjon
a. På Austevoll
ungdomsskule skal det ikkje innvilgast permisjon i periodar med førebuing og
gjennomføringa av:
- statlige
kartleggingsprøvar
- nasjonale prøver
- halvårsprøvar, munnlege
og skriftlege
- eksamen, munnlege og
skriftlege
b. Det skal
normalt ikkje innvilgast permisjon den første veka i skuleåret. Dette gjeld
alle klassetrinn.
c. Det skal
normalt ikkje innvilgast permisjon til ferie.
d. Det kan innvilgast
permisjon ved deltaking på idrettsarrangement, på nasjonalt eller internasjonalt
nivå. Det skal normalt ikkje gjevast permisjon til samlingar eller liknande, berre sjølve konkurransen og nødvendig reise til og frå konkurranstaden.
e. Det kan innvilgast
permisjon til ulike familiearrangement. Det kan også innvilgast permisjon ved
alvorleg sjukdom, dødsfall eller gravferd i den næraste familie. Permisjon
etter denne bestemmelsen kan
gjevast i periodar der det er førebuing og gjennomføring av prøver som nemnt i
bokstav a), og ved skulestart som nemnt i bokstav b).
Siste
halvår på 10. årstrinn er viktig fordi elevane skal ha sluttvurderinga i denne
terminen (standpunktkarakter og eksamenskarakter). Det betyr at det vanlegvis
ikkje er forsvarleg å gje permisjon over fleire dagar i denne terminen.
Link til digitalt søknadsskjema finn du her