Å lage stumfilm er gøy!
På onsdag 14.9 hadde me besøk av Ingvill Kvinge og Svanhild Utne frå Den Kulturelle Skulesekken. Dei hadde eit program som heiter "Ei reise gjennom filmhistoria med vekt på animasjon".
Publisert: 16.09.2016 13:55 Sist endra: aldri Forfattar: Anne Helen Aase
Me fekk sjå dei fyrste stumfilmane med Charlie Chaplin og dei fyrste filmane til Walt Disney. Etterkvart vart det lagt lyd på filmane og seinare farge og. I 1937 kom Walt Disney ut med sin fyrste heilaftens spelefilm, Snehvit. Etter me var ferdig med filmhistoria var det tid for sjølv å lage ein eigen stumfilm. Elevane vart delte i fire grupper. Dei laga stumfilmar med titlar som "Det mystiske besøket" og "Den umulige elev". Elevane koste seg og filmane vart veldig gode.