Det er ein fin
onsdags ettermiddag kl 15.00. Tom er ferdig med arbeidsdagen og gler seg til å
kjøre den kule motorsykkelen sin heimover. Sola skin og Tom spaserer ut på
parkeringsplassen. Brått stopper han opp. Sykkelen er vekke! Tom hugsa at han kikka ut vindauget klokka 14.55, og då var
sykkelen der. Kvar i all verda var den no?!
- Mai-Britt,har du sett sykkelen min?.
Mai-Britt stikk hovudet ut av glaset og ser forskrekka på Tom.
- Nei,er den ikkje der? Er det nokre
elevar som tuller med deg no, kanskje?
- Elevane er jo gått heim for lengst,
og sykkelen var her for 5 minutt sidan. Det kan ikkje vera nokre elevar. Det må
vera nokon av dei tilsette.
Tom vert ståande lenge og klø seg i
hovudet. Den raude motorsykkelen som han elskar over alt kan ikkje vera stolen?
Tom får ein lys ide ; eg har jo mange kloke hovud her på skulen som kan hjelpe
meg. I morgon treng eg hjelp frå elevane til å løyse dette mysteriet.
-Du får høyre med Åsmund om du kan få sitja på
med han heim, seier Mai-Britt og lukkar igjen vindauget