Veke 37 var skulen sin aksjonsveke for Kolibri-Carf. Føremålet var å samla inn pengar til Carf sitt arbeid for gatebarn i São Paulo i Brasil. Gregory Smith starta dette arbeidet i 1992. Selbjørn skule har støtta Carf i om lag 15 år, og har vore Kolibri-skule sidan 2015. Gjennom aksjonsveka lærer elevane om Carf sitt arbeid for å hjelpa gatebarna i São Paulo. Aksjonsveka vart denne gongen avslutta med Kolibrijogg fredag 16/9, og elevane viste stort engasjement og imponerande innsats. Vi fekk besøk av Fredrik frå Carf sitt hovudkontor i Bergen, og han kunne fortelja frå si skuletid, då han fekk vera med Carf på besøk til Kolibrisenteret i São Paulo. Ein flott og innhaldsrik skuledag.