Sauesanking og slakting
Å sanke sauer og slakte dei var kjempegøy, lærerikt og litt slitsamt.
Publisert: 21.09.2022 14:04 Sist endra: aldri Forfattar: Hilde Haraldseid
Me møtte opp i Nordevågen 08.30 og tok båt ut til Eikholmen. Der framme måtte me vera musestille for ikkje å skremma sauene. Men dei skjøna kva me skulle. Me byrja med å laga ei linje, ei form for gjerde med oss. Nokre skulle jaga sauene bort til dei på linja som skulle vera med og jaga dei i inn i tøkjet. Me klarte ikkje å stoppa dei. Me gjorde det mange gongar på same måte. Me snudde vegen til slutt. Det vart meir vellykka. Me fekk dei etter nokre rundar til. Den siste veren prøvde å svømma vekk, men Hilde byksa etter og fekk tak i den. Sauene vart frakta til lands i båt. Me vart igjen fordi det vart for stor last om ikkje. Vel over på andre sida måtte me gå tilbake på skulen, for det var ikkje tid til å byrja å slakta før skuledagen var over. Me fekk slakta dagen etter. ME møtte opp hos Rolf Rusten og her har me slakta 5 dyr. Det ha vore gøy. Det var litt ekkelt når dei hadde dødskrampar og når innvollane ramla ut av skrotten då den vart heisa opp. Me må ta dette tilbake på skulen og ha naturfag med heile klassen sa ein elev og holdt opp hjarte på sauen. Det har vore lærerikt, gøy og litt slitsamt. I alle fall slitsamt å springa så mange gongar etter dei ulldottane ute på Eikholmen.