I dag har vi feira SFO-dagen med ulike aktivitetar både ute og inne, og været var heilt fantastisk! Barna fekk velje mellom slåball, fotball, leik i skogen, sløyd, formingsrom og rollelek på leikerommet. Det var stor glede å sjå kor engasjerte dei var i leikene, og fleire valde å prøve ulike stasjonar. Ein slik dag minner oss på kor viktig det er å skapa ein leikfull og innhaldsrik kvardag for barna, der dei kan utvikle seg på mange ulike måtar.

"Scenen er din" for 1.–4. trinn. 

Kunstnar og journalist May Linn Clement frå Austevoll besøkte nyleg Storebø skule, der elevane fekk eit spennande innblikk i arbeidet hennar som teiknar i avisa Dag og Tid. Ho delte erfaringar om korleis avisteikningar kan formidle bodskap på tvers av språk, og kvifor dei er viktige i mediebiletet. Gjennom programmet hennar, og bruk av den digitale skuleportalen «Avisteikning og ytringsfridom», fekk elevane både lære og prøve sjølve. Det vart eit lærerikt og inspirerande besøk – og ikkje minst veldig gøy!

Mellomtrinnet på Storebø skule hadde leseveke i veke 12. Hovudoppgåva deira denne veka var å oppklare ei sak for politiet i Austevoll. Med utgangspunkt i den verkelege verda, har dei løyst den fiktive saka "Møksterkrone-mysteriumet".