Sinnes skule er ein skule med ein over 100 år gamal historie. Han ligg sentralt plassert på Sinnes i øvre Sirdal, og har gjort det heilt sidan det fyrste skulebygget var reist i 1891.
Han er i dag ein fådelt
skule frå 1.-10. klasse. Skulen
ligg midt i naturen, og innbyr til turar og ekskursjonar med elevane sommar som
vinter.
Kvart skuleår tek til med ein felles
overnattingstur for heile skulen. Det byggjer relasjonar mellom eldre og nye elevar, og skapar felles opplevingar på ein god måte. Elevane får og kjenna på meistring alt frå tidleg av.
Sinnes skule er medlem
av UNESCO sitt skulenettverk (ASPnet-skule). Les meir om kva det inneber her på UNESCO sine nettsider.
Me har i mange år vore venskapsskule med skular på Malta og i Estland som me vitjar med ujamne mellomrom.
På skulen vår har me eige
symjebasseng og ein flott biblioteksfilial.
På skulen vår har me gode
høve for kreativitet og aktivitet.
Me har særs aktive
og engasjerte føresette som er aktive i elevane sin kvardag.
Me har eit
personale som gjerne vil ha deg med på laget!
Ledige stillingar blir utlyste på Sirdal kommune sine nettsider.