Torsdag 22. oktober fekk Sinnes skule besøk av André Vaaler og Oscar Jansen gjennom Den kulturelle skulesekken.
Dei hadde med seg boka ‘’Villaksen Salomon og den store reisen’’ som dei las, spelte og song i frå. Elevane følgde engasjert med og fortalde mange historiar frå fisking i sommar. Dei kunne fortelja om forskjellen på laks og aure, samt om fiskeutstyr og kor mange fisk dei har fått.
Både elevane, André og Oscar hugsa kvarandre igjen etter sist dei var her for nokre år sidan med historia ‘’Direkte rødt’’. Det blei ein liten reprise av seansen den gongen, der elevane song ‘’Hyllest til Sirdal’’ til stor begeistring for dei besøkjande.