Meny
1. og 2. klasse 2. klasse
1. og 2. klasse
3. og 4. klasse
5. klasse
6. klasse
7. klasse

Klokka 12 i dag samla me oss i gymsalen for å delta på den årlege, og etterkvart så tradisjonsrike, BlimE-dansen.

Saman med Victor på storskjerm, dansa me heile gjengen saman med resten av Noreg.

Men fyrst, så hadde me premiere på vår eigen dans. Den er tilgjengeleg på NRK Super sine nettsider.


Denne veka er det nordisk litteraturveke. Elevane i 1.-4. klasse fekk høyra og sjå boka "Alle sammen teller". Etterpå laga dei eigne tekstar til nokre av bileta og laga eit gruppebilete med den teksten dei ville ha om seg sjølv.

2. klasse har denne veka jobba med dinosaurar. Først lærte me om dinosaurar ved å lesa tekstar og sjå film. Deretter skulle elevane skriva kvar sin faktatekst og setja inn bilde av sin dinosaur. Til slutt laga me ein video der alle elevane las inn tekstane dei hadde skrive saman med bilda dei valde ut.


Torsdag 22. oktober fekk Sinnes skule besøk av André Vaaler og Oscar Jansen gjennom Den kulturelle skulesekken. 

Dei hadde med seg boka ‘’Villaksen Salomon og den store reisen’’ som dei las, spelte og song i frå. Elevane følgde engasjert med og fortalde mange historiar frå fisking i sommar. Dei kunne fortelja om forskjellen på laks og aure, samt om fiskeutstyr og kor mange fisk dei har fått.

 


16. oktober er verdas matvaredag, og med så mykje heiebeite for sau rundt oss, var det naturleg for Sinnes skule å seia ja når Sirdal bygdekvinnelag ville markera dette. Det passa fint sidan 6. klasse og Anne Grethe har mat og helse på fredagar, og dei gjekk i gang med skrelling og kutting av rotgrønsaker frå morgonen av. 


1. og 2. klasse var på tur til skulebua. Oppdraget var å laga kunst eller noko ein kunne bruka i naturmateriale.