I dag gjekk startskuddet for skuleåret 2020/2021 og me har hatt ein god dag ilag med dei 100 flotte elevane på Vinjar skule. Alle heimane fekk førre veke tilsendt eit informasjonsskriv via Transponder. Her står bl.a. lovverket når det gjeld retten til eit trygt og godt skulemiljø, jmfr. Opplæringslova §9-A. Me vil understreka betydninga av dette og betydninga av at me treng de som føresette på lag med oss.

Godt nytt skuleår!

Måndag 17.august klokka 08:15 startar me opp skuleåret 2020 for alle elevane frå 1.-7.trinn ved Vinjar skule.

Me håpar de har fått kopla ut og samla gode opplevingar i sommar, og at alle elevane er klar for eit nytt skuleår. Ekstra spanande vert det for dei 12 nye fyrsteklassingane våre som startar opp. Me ynskjer dei spesielt velkomne til skulestart!

Tradisjonen på Vinjar skule er at alle elevane samlast i gymsalen ved skulestart, men grunna situasjonen kring Covid-19 må me i år gjere nokre endringar. Detaljar om organisering og kor dei enkelte elevane skal møta fyrste skulestart vil de få nærare informasjon om via Transponder.

Skuleruta ligg i høgremenyen her på heimesida og på Suldal Kommune sine heimesider.

Oppdaterte tabellar for skuleskyssen finn de om de kopierer denne lenka inn i nettlesaren (denne vert oppdatert i løpet av veka, her er nokre endringar for Vinjar som ikkje er oppdatert):

https://www.kolumbus.no/reise/rutetabeller/buss/skoleskyss/skoleruter/suldal/

Me ser fram til eit godt samarbeid for skuleåret 2020!

Helsing frå personalet ved Vinjar skule v/Kristine Bøe Berge

Hei!

Sjå vedlagt lenke for informasjon om årets sommarskule og påmelding. For elevar som skal starte i 5.-7.trinn! OBS: Ny stad.

Helsedirektoratet har laga ein informasjonsfilm om koronaviruset, som kommuneoverlegen i Suldal no har sendt ut til skulane og andre som jobbar med barn og unge.

I YouTube-filmen får du svar på spørsmål Hermine (13) stiller Helen (lege i helsedirektoratet), og denne kan vere grei å sjå i lag med barna dykkar.

Kopier denne lenka inn i ein nettlesar for å koma til filmen:

https://youtu.be/v1W249tl1vA