Me gler oss til å ta imot alle som skal gå i Eikehaugen barnehage og på Nordre Strand skule i neste veke!

Skuledagen på Fiskå får nytt starttidspunkt dette skuleåret. Frå og med første skuledag, torsdag 18. august, møter alle elevane til første time kl 08:55. Elevane som skal starte i 1. klasse møter kontaktlæraren sin og rektor ute ved flaggstonga.

Parker bilen på oppmerka plass på parkeringsplassen, og skru tenninga av. I skulegarden er det forbode å køyre inn, så ver venleg, respekter dette og vis omsyn til dine eigne og andre sine born. I forbindelse med henting ser me stundom barn og elevar som spring mellom bilane og bussane når dei skal møte dykk som ventar på dei i bilane. Fint om de kan ta ein prat om korleis ein tryggast ferdast i dette området på tidspunkt med stor trafikk. Me skal sjølvsagt også prate med elevane om dette på skulen. Me har ingen born å miste, og vil difor ta trafikktryggleiken til barnehageborna og elevane våre på alvor!