Måndag 17. august kl. 08.45 startar nytt skuleår opp på Sand skule
Me håpar at elevane er klare til å starta opp att og me er snart klare til å ta i mot dei:) Eit ekstra velkommen går til dei 21 nye 1. klassingane med sine føresette som startar opp på skulen for 1. gong og til alle dei 48 nye 8. klassingane og deira føresette som kjem frå Vinjar, Sand, Marvik og Erfjord.
Alle elevane er på skulen full skuledag frå og med 1.skuledag.
Skuledagen for 1.-4. klasse er frå kl 08.45-14.25 måndag-, tysdag- og torsdagar. Onsdagar sluttar skuledagen kl 13.00 og fredagar kl 14.10
5.-7. klasse har same oppsett, med unnatak av onsdagar, då sluttar dei kl 13.10.
8.-10. klasse går alle dagar frå kl 08.45-14.25, med unnatak av fredagar, då sluttar også dei kl 14.10.
Skuleruta finn de til høgre på framsida til skulen si heimeside.
Kva for tiltak som blir naudsynte i samband med Covid-19 er for tidleg å seia noko om, men me vil sjølvsagt følgja dei nasjonale råda som kjem. Sand skule brukar å samla alle elevane til storsamling i gymsalen for å ønskja eit nytt skuleår velkommen, men her må truleg skulen tenkja nytt. Informasjon om dette blir lagt ut her og på Transponder like før skulestart.
Me ser fram til eit samarbeid med dykk som føresette og er sikre på at me saman skal rusta elevane for framtida. Ei framtid i rask endring som det er spennande å trø inn i, i lag med barnet- og ungdommen dykkar.
På vegner av alle tilsette ved Sand skule,
Jorunn Hoås, rektor